Жамбыл облысының ауыл тұрғындарына 100 бас мал тауарлық несие түрінде берілді

Жамбыл облысында ауыл тұрғындарына тауарлық несие беру басталды. Шу ауданында 100 бас мал беруге алғашқы келісімге қол қойылды. Бұл туралы облыс әкімінің баспасөз қызметі хабарлады.

Тауарлық несие беру бағдарламасының мақсаты ауылдық елді мекендердегі мал басын ұлғайту болып табылады. Бағдарлама бойынша несие беру мерзімі бес жылды құрайды, оның ішінде бірінші жыл – демалыс, одан әрі жыл сайын ауыл тұрғындары алынған төлдің 50% қайтаруы тиіс.

Бағдарлама аясында "Атай" шаруа қожалығының иесі Сәкен Атаев Абай ауылының екі тұрғынына жалпы сомасы 6 млн теңгеге 50 бас мал берді.

"Жаңа бағдарлама тұрғындардың әл-ауқатын арттыруға жақсы мүмкіндік береді деп санаймын. Мен ауылдастарыма қолдау көрсетуге және ауылдың дамуына өз үлесімді қосуға дайынмын. Болашақта асыл тұқымды малды да беруді жоспарлап отырмын", - деді Сәкен Атаев.

Жаңа бағдарлама аясында түсіндіру жұмыстары облыстың барлық аудандарында жүргізілуде. Мойынқұм ауданында "Үркер" шаруа қожалығы 20 бас ірі қара, 100 бас ұсақ мал беруге дайын. Қазір ауылдардың бастамашыл тұрғындарының тізімі дайындалуда.

Жыл соңына дейін фермерлерге тауарлық несие беру бағдарламасы аясында 80-ге жуық келісімге қол қою жоспарлануда.