Павлодар облысында 137 мың га астам пайдаланылмаған ауыл шаруашылығы алқаптары қайтарылды. Бұл туралы Орталық коммуникациялар қызметі хабарлайды.

Өңірдегі егіс алқаптары 1,6 млн гектарға жетті: бұл өткен маусымға қарағанда 50 мың гектарға артық.

Орталық коммуникациялар қызметінде өткен баспасөз мәслихатында Павлодар облысының әкімі Асаин Байханов хабарлағандай, айналымға 137 мың гектардан астам пайдаланылмаған ауыл шаруашылығы алқаптары қайтарылды. Өткен жылмен салыстырғанда ауылдардағы жайылым тапшылығы екі есеге қысқарды.

Сондай-ақ, мемлекеттік қолдаудың арқасында аграрлық саладағы жобалар саны артып келеді.

"Ауыл аманаты" жобасы аясында 300-ден астам жоба қаралды. 161 жоба иесі несие алып, бизнеске кірісті. "Ауыл – ел бесігі" жобасы бойынша 26 ауылдың инфрақұрылымы жаңартылуда", - деді әкім.

Өз кезегінде, бұл азық-түлік бағасына оң әсер етеді - бағаның 11 позициясы бойынша ел бойынша орташа деңгейден төмен. Бұған 273 серіктес дүкен арқылы сатылатын 14 мың тонна өніммен облыстың тұрақтандыру қоры көмектеседі.

"Алқаптан сөреге дейін" қағидаты бойынша азық-түлікті сататын саладағы алғашқы мамандандырылған фермерлік нарық белсенді жұмыс істеуде. Осындай фермерлік базарларды Екібастұз бен Ақсуда салу жоспарлануда", - деді Асаин Байханов.