Тауарлар
Қызметтер
Тасымалдау қызметі
Қазақ ақбас тұқымының Республикалық Палатасы 20-22 наурызда Түркістанда өтетін KazAgro/KazFood Turkistan2023 сауда көрме-жәрмеңкесі аясында Палата мүшелерімен жиналыс өткізеді.
Көрме-жәрмеңкеге азық-түлік және ауыл шаруашылығы саласының жетекші өндірушілері, жеткізушілері, дистрибьюторлары қатысады.
"KazAgro/KazFood Turkistan - қазақстандық және шетелдік нарық көшбасшыларының кездесу және тәжірибе алмасу орны. Көрме-жәрмеңкеге қатысу Қазақстан кәсіпорындарымен ынтымақтастықты бастауға және Орталық Азияның жаңа өткізу нарықтарына шығуға бірегей мүмкіндік береді", - деп хабарлады Қазақтың ақбас тұқымды палатасында.
Палата жиналысы 20 наурызда сағат 14:30-дан 16:00-ге дейін салтанатты ашылу рәсімінен кейін өтеді.
Айта кетейік, көрме-жәрмеңке аясында халықаралық аграрлық форум, мал шаруашылығы көрмесі, бұқалар байқауы және басқа да көптеген іскерлік және мәдени іс-шаралар өтеді.
