Қазақстанда 26,5 млн тонна бастырылды

Қазақстанда астық жүгерісін қоспағанда, бидай мен басқа да дәнді дақылдарды жинау аяқталды. 26,5 млн тонна астық бастырылды (2023 жылы 17,1 млн тонна болды), ел бойынша орташа өнімділік - 16 ц/га. Бұл туралы ауыл шаруашылығы министрі Айдарбек Сапаров мәлімдеді.

"Жоғары өнімділікке қолайлы ауа-райының арқасында және, әрине, агротехнологияларды дұрыс қолдану нәтижесінде, атап айтқанда сапалы тұқымдарды пайдалану, минералды тыңайтқыштарды енгізу және өсімдіктерді тиімді қорғау есебінен қол жеткізілді", - деді Ауыл шаруашылығы министрлігінің басшысы.

Қазіргі уақытта майлы дақылдарды жинау жүріп жатыр. Жоспарланған 2,9 млн гектардан 1,9 млн гектар (66%) жиналды. Май тұқымдарының жалпы өнімі 2,1 млн тоннаны құрады, орташа өнімділігі 10,7 ц/га.

Министрдің айтуынша, биыл қант қызылшасының рекордтық өнімі күтілуде. Бүгінгі таңда 10 мың га немесе 40% жиналды, орташа өнімділігі 540 ц/га 549 мың тонна жиналды.

"Жамбыл облысы мен Жетісу облысының әкімдіктері қант қызылшасының жаңа өнімін өңдеуге тапсыру мәселесін пысықтап, әрбір ауыл шаруашылығы өндірушісі бөлінісінде жинау кестесіне сәйкес қант зауыттарының қызылшаны қабылдау кестесін жасағанын атап өткен жөн. Бүгінде өңдеуге 432 мың тонна қант қызылшасы тапсырылды", - деп мәлімдеді Айдарбек Сапаров.