3 жеңілдікті лизинг бағдарламаларын "ҚазАгроҚаржы" жаңартуда

"ҚазАгроҚаржы" АҚ 2024 жылдың 12 тамызынан бастап ауыл шаруашылығы техникасы лизингінің 3 бағдарламасы бойынша өтінімдерді қабылдай бастайды:

• "Қазақстанда жасалған";
• "Өз жемшөптері";
• "6% жеңілдікті лизинг".

Бұл туралы "ҚазАгроҚаржы" АҚ баспасөз қызметі хабарлады.

Барлығы 3 бағдарламаға 11,8 млрд теңге бөлінді:

• "Өз жемшөптері" - 3,3 млрд теңге;
• "Қазақстанда жасалған" - 5,5 млрд теңге;
• "6% жеңілдікті лизинг" - 3 млрд теңге.

"Қазақстанда жасалған" бағдарламасы аспалы, тіркемелі және өздігінен жүретін а/ш техникасын, отандық өндірістің/құрастырудың көлік құралдарын жылдық 6% мөшерлемесі бойынша 10 жылға дейінгі мерзімге және аванстық-лизинг нысанасы құнының 15% бастап сатып алуға мүмкіндік береді.

"Өз жемшөптері" жемшөп дайындау техникасы мен суарудың мобильді жүйелерін қаржыландыруға бағытталған. Мөшерлеме - жылдық 6%, мерзімі — 10 жылға дейін, аванс - кемінде 15% (авансты төлеу бойынша кейінге қалдыру ұсынылады).

"6% жеңілдікті лизинг" бағдарламасы бойынша 10 жылға дейінгі мерзімге аванссыз жеңілдікті шарттармен отандық өндірістің/құрастырудың өздігінен жүретін ауыл шаруашылығы техникасын лизингке сатып алуға болады.

Өтінімдерді қабылдау Telegram-бот арқылы мына сілтеме бойынша жүзеге асырылады: https://t.me/kaz_agro_finance_bot.

Telegram-bot-қа өтінім берген күннен бастап 5 жұмыс күні ішінде клиент "ҚазАгроҚаржы" АҚ филиалына құжаттардың толық пакетін ұсынуы қажет.

Сондай-ақ, бағдарламалардың шарттары туралы толық ақпарат алу үшін "ҚазАгроҚаржы" компаниясының филиалдарына хабарласу қажет.