Тауарлар
Қызметтер
Тасымалдау қызметі
Ағымдағы жылы Ақтөбе облысында шегіртке зиянкестеріне қарсы 669 мың гектардан астам жер өңдеу жоспарлануда. Өңдеу жер үсті және әуе тәсілдерімен жүргізілетін болады. Бұл туралы облыс әкімінің баспасөз қызметі хабарлады.
Өңірде 6 млн гектардан астам аумақта мониторингтік іс-шаралар жүргізілуде. Қазіргі уақытта химиялық өңдеу Шалқар, Ырғыз, Ойыл және Темір аудандарында жүргізілуде. Осы аптада химиялық өңдеу жұмыстары Әйтеке би және Хромтау аудандарында да басталады.
"Аудан әкімдері шегіртке зиянкестеріне қарсы химиялық өңдеудің уақтылы және сапалы жүргізілуін қамтамасыз етуі тиіс. Өңдеу барысын, сондай-ақ аумақтар мониторингінің сапасын жеке және тұрақты бақылауда ұстауы керек. Әсіресе қауіп-қатерлер бар аудандарда", - деп тапсырды облыс әкімі Ералы Тоғжанов.
