ҚР Үкіметінің қаулысымен Әбілқайыр Тамабек басқа жұмысқа ауысуына байланысты ауыл шаруашылығы вице-министрі қызметінен босатылды. Бұл туралы Үкіметтің баспасөз қызметі хабарлады.
Тамабек 2022 жылдың сәуірінде ауыл шаруашылығы вице-министрі болып тағайындалды. Бұған дейін, 2022 жылдың ақпан – сәуір айлары аралығында Жамбыл облысы бойынша жер ресурстарын басқару департаментінің басшысы - жерді пайдалану және қорғау жөніндегі бас мемлекеттік инспектор болып жұмыс істеген.
2020 жылдан 2022 жылға дейін Жамбыл облысы әкімдігінің жерді пайдалану мен қорғауды бақылау басқармасының басқарма басшысы – бас мемлекеттік инспекторы болды.
Сондай-ақ бұрын жеке компанияда инспектор болып жұмыс істеген және ҚР Ұлттық экономика министрлігі мен қорғаныс және Аэроғарыш өнеркәсібі министрлігінде түрлі лауазымдарда еңбек еткен.
Әбілқайыр Тамабек 29 жаста. Ол Жамбыл облысында дүниеге келген. Халықаралық бизнес университетін, Луис ұлттық университетін және ҚР Президенті жанындағы Мемлекеттік басқару академиясын бітірген.
