Тауарлар
Қызметтер
Тасымалдау қызметі
Ақмола облысында 300-ге жуық фермердің құқықтары қалпына келтірілді. Бұл туралы baibolsyn.kz «24KZ»-тің баспасөз қызметіне сілтеме жасай отырып хабарлайды. Мемлекеттік қызмет істері департаментінде ауыл шаруашылығы басқармасының кінәсінен фермерлер 618 млн теңгеге субсидия ала алмағаны айтылды. Шенеуніктер өтініштердің дұрыс ресімделмеуіне байланысты фермерлерден бас тартты және белгіленген мерзімнен кейін фермерлерге бұл туралы хабарлады. Осыған байланысты олар субсидиялауға құжаттарды қайта тапсыра алмағандықтан қаржыландырусыз қалды. Мемлекеттік қызмет істері департаментінің басқарма басшысы Нұрсұлтан Шынымбек бұл мәселені жауапты тұлғаларды тәртіптік жауапкершілікке тартқаннан кейін шешуге болатынын хабарлады.
"Қазіргі уақытта басқарма нұсқаманың талаптарын орындады. Яғни, барлық субсидия алушыларға, 296 фермерге жалпы сомасы 618 млн теңгеге қайта өтінім беру мүмкіндігі ұсынылды. Қазіргі уақытта Ақмола облысының Кәсіпкерлер палатасы осындай мүмкіндік туралы хабардар болып, фермерлерді қайта өтінім беру мүмкіндігі туралы ақпараттандыру жұмыстарын жүргізуде", - деді Нұрсұлтан Шытырымбек.
