Алматы облысында француз компаниясымен бірлесіп агро-процессингтік логистикалық хаб салу жоспарлануда. Осы және басқа да инвестициялық жобалар ҚР премьер-министрі Әлихан Смайылов бастаған экономиканы жаңғырту мәселелері жөніндегі мемлекеттік комиссияның отырысында талқыланды.
"G4 City жобасын іске асыру аясында жаңа піскен жемістер мен көкөністерді, ет, балық және сүт өнімдерін сату бойынша жаңа форматтағы әртараптандырылған орталықты ашу жоспарлануда", - деп хабарлады премьер-министрдің баспасөз қызметі.
Сонымен қатар, қатысушылар республиканың көлік-транзиттік әлеуетін едәуір арттыруға мүмкіндік беретін ұзындығы 270 км болатын "Бақты-Аягөз" темір жолының құрылысын талқылады.
Айта кетейік, 2022 жылы ұсынылған Алматы облысында G4 City дамыту жөніндегі бас жоспардың тұжырымдамасы агропроцессингтік логистикалық хаб құрылысын қамтиды. Оның негізгі міндеті - қазақстандық ауыл шаруашылығы өндірушілерінің дамуына серпін беретін және әлемдік нарықта бәсекеге қабілетті болуға мүмкіндік беретін халықаралық сапа стандарттарына сәйкес "брендтелген" қазақстандық экологиялық таза өнімді экспорттау үшін халықаралық деңгейдегі алаң құру.
Агро-процессинг өндірушілерден "даладан" өнімді қабылдаудан және оны терең өңдеу (жуу, тазалау, стандарттау, қайта өңдеу, орау және т. б.) арқылы тұтынушыға жеткізуден тұрады.
