AITAS құны 24 млрд теңге болатын асыл тұқымды репродукторды іске қосты

AITAS холдингі жылына 80 млн инкубациялық жұмыртқа өндіретін Алматы асыл тұқымды құс репродукторын толық қуатына шығарды. Жоба екі кезеңде жүзеге асырылды. Бүгінгі таңда бұл Қазақстандағы бройлердің инкубациялық жұмыртқасын өндіретін ең үлкен кешен. Бұл туралы холдингтің баспасөз қызметі хабарлады.

"Жобаны іске асыру бізге холдингтің құс фабрикаларының сұранысын қанағаттандыру үшін, сондай-ақ өзіміздің қауіпсіздігіміз бен орнықты дамуымыз үшін жоғары сапалы және ең төменгі өзіндік құны бар инкубациялық жұмыртқа өндіруге мүмкіндік береді", - деді холдингтің негізін қалаушы Серік Толықпаев.

Репродуктор жұмысының қорытынды нәтижесі Макинск және Өскемен құс фабрикаларының бройлер өндірістерінде бордақылау жүзеге асырылатын жылына 64 млн-нан астам бройлер тауықтарын өндіру болып табылады. Кешенді толыққанды іске қосу холдингтің қарыз және меншікті қаражаты есебінен іске асырылды.

"Инвестициялар бірінші кезекте 12,3 млрд теңгені құрады. Екінші кезекте - 11,7 млрд теңге. Осылайша, бүгінгі таңда шамамен 24 млрд теңге инвестицияланды. Біздің міндетіміз - азық-түлік қауіпсіздігі жүйесін құрусыз мүмкін емес елдің тұрақты дамуына қатысу. Қазақстанда, бүкіл әлемде сияқты, құс етін тұтынуға сұраныс артып келеді, сондықтан алматылық асыл тұқымды құс өсіру репродукторының маңыздылығын жете бағаламау қиын", – деп атап өтті "Aitas kz" АҚ Бас директоры Евгений Панов.

Кешеннің негізін 20 толықтырма төл және 40 аналық құс қора құрайды. Қазірдің өзінде Алматы асыл тұқымды репродукторында 186 мың толтырма төл және 468 мың бас аналық бас бар.

Сондай-ақ, репродуктордың жем, құс және жұмыртқа тасымалдауға арналған көлігі бар жеке автобазаға ие екендігі атап өтілді. Кешенде әлемдік стандарттарға сәйкес келетін құс шаруашылығы жабдықтары орнатылған.