Әкімдіктермен дала жұмыстарын несиелеуге 174 млрд теңге игерілмеді

Ағымдағы жылы Қазақстанда алғаш рет көктемгі егіс жұмыстарына жеңілдікпен несие беру көлемі 580 млрд теңгеге дейін ұлғайтылды, несиелер жылдық 5% - бен беріледі. Бүгінгі таңда осы сомадан 406 млрд теңге игерілді. Бұл туралы үкімет отырысында ауыл шаруашылығы министрі Айдарбек Сапаров мәлімдеді.

"Облыс әкімдіктері жақын арада қалған 174 млрд теңгені игеруі қажет: "Кен Дала 1" бағдарламасы бойынша – 140 млрд теңге, "Кен Дала 2" бағдарламасы бойынша – 126,1 млрд теңге, 40 млрд теңге - форвардтық сатып алу, ауыл шаруашылығы техникасының лизингіне - 100 млрд теңге", - деді министр.

Өткен жылдары осы бағдарламалар бойынша несиелеу көлемі 180 млрд теңгеден аспады.

Айдарбек Сапаров атап өткендей, ӘКК-ні қорландыру есебінен Аграрлық несие корпорациясы арқылы ауыл шаруашылығы өндірушілерін жеңілдікпен қаржыландыру арналары кеңейтілді. Бірақ ӘКК-ні тарту бойынша белсенді жұмысты осы мақсаттарға 65 млрд теңге көзделген бес облыс қана жүргізеді: Солтүстік Қазақстан және Қостанай облыстары - 20 млрд теңгеден, Павлодар және Шығыс Қазақстан облыстары - 10 млрд теңгеден, Қызылорда облысы – 5 млрд теңге.

"Қалған өңірлер бұл мәселені қарауға құлқы жоқ немесе Үкіметтің бастамасын іске асырудан мүлдем бас тартуда", - деп мәлімдеді АШМ басшысы.