АНК егіс жұмыстарын қаржыландыруды бастады

Аграрлық несие корпорациясы 29 қарашада "Кең дала 2" бағдарламасы бойынша қаржыландыруды ашты. Корпорацияда 684 фермерден шамамен 82 млрд теңге сомаға өтінімдердің жалпы пулы қалыптастырылды. Бұл ретте 176 өндірушіден өтінімдер жұмысқа қабылданды, ал 508 фермерден 59,9 млрд теңге сомаға өтінімдер "құжаттар жинауда" мәртебесінде тұр, деп хабарлады АНК баспасөз қызметі.

Корпорацияның мәліметінше, өтінімдердің ең көп саны СҚО мен Қостанай облысының фермерлерінен түскен.

"Кең дала 2" бағдарламасы бойынша жеңілдікті сыйақы мөлшерлемесі жылдық 5% деңгейінде сақталды. Мемлекеттік қолдау тетігіне сәйкес бағдарлама бойынша қарыз сомасының 85% "Даму" кәсіпкерлікті дамыту қоры кепілдік береді.

"Үстіміздегі жылдан бастап алғаш рет қаржыландыру көктемгі егіс және егін жинау жұмыстарын (КДЖжЕЖ) жүргізуден бұрын басталады. Бұл дегеніміз, фермерлер тұқымдар мен тыңайтқыштарды алдын-ала сатып алып, техниканы дайындай алады. Мұндай мүмкіндіктер бұрын-соңды болмаған мемлекеттік қолдау шаралары мен нарық көздерінен қаражат тартудың арқасында пайда болды", - деп атап өтті Аграрлық несие корпорациясының Басқарма төрағасы Алмат Әшірбеков.

2025 жылғы КДЖжЕЖ-ға 700 млрд теңгеге дейін (2024 жылы 320 млрд теңге болды) бағытталады, оның 560 млрд теңгесіне дейін "Бәйтерек" ҰБХ және АНК нарықтық капитал көздерінен тартады.

Фермерлерге ыңғайлы болу үшін қарыздарды ресімдеу үшін де, оларды кейіннен өтеу үшін де жүгінуге болатын қаржы институттарының саны артты. Қаражат екінші деңгейлі банктер, несиелік серіктестіктер, әлеуметтік-кәсіпкерлік корпорациялар және Аграрлық несие корпорациясы арқылы қолжетімді болады.

Кеңес алу және "Кең дала 2" бағдарламасына өтінім беру үшін АНК-нің жақын маңдағы өңірлік филиалдарына жүгіну қажет.