Аграрлық несие корпорациясы жүргізетін "Қарызды өсімпұлсыз төлеңіз" акциясы 27 желтоқсанды қоса алғанда ұзартылды.
Акцияға акцияны өткізу кезеңінде мерзімі өткен берешегі, оның ішінде сот шешімі бойынша өндіріп алынған берешегі бар корпорацияның қарыз алушылары (заңды және жеке тұлғалар) қатыса алады.
"Өсімпұлды есептен шығару қарыз алушы: мерзімі өткен сыйақы сомасын, мерзімі өткен негізгі борыш сомасын, мерзімі өткен негізгі борышқа есептелген сыйақы сомасын, айыппұл сомасын толық өтеген кезде ғана мүмкін болады", - деп нақтылады Аграрлық несие корпорациясында.
Акцияға тек бір рет қатысуға болады.
Қарызды өсімпұлсыз төлеу үшін 27 желтоқсанға дейін Аграрлық несие корпорациясының банктік шоттарына ақша аудару қажет.
