2023 жылы "ҚазАгроҚаржы" есебімен Аграрлық несие корпорацияның несиелік портфелі 1,5 трлн теңгеден асты. Сонымен қатар, кейбір аймақтардағы фермерлерге нақты несие беру жоспарланған көлемнен асып түсті. Бұл туралы АНК баспасөз қызметі хабарлады.
"Аграрлық несие корпорациясы биыл Шымкент пен Түркістан облысында ауыл шаруашылығын дамытуға ағымдағы жылдың соңына дейін 21 млрд теңге бөлуді жоспарлады, бірақ бүгінгі таңда 22 млрд теңгеден астам қаржы бөлінді. Бұл ретте "Кең дала" бағдарламасы бойынша қаржыландыру шеңберінде 2,5 млрд теңге бөлу жоспарланған болатын, бірақ өңірде мақта шаруашылығымен айналысатын аграрлардың сұраныстарын ескере отырып, АНК-дан қаржыландыру 9,5 млрд теңгеге дейін ұлғайтылды", - деп хабарлады Корпорация.
Өңір фермерлерімен кездесулер барысында Аграрлық несие корпорацияның Басқарма төрағасының орынбасары Айдын Досқараев АНК-ны қолдаудың негізгі бағыттары туралы айтты: тікелей несиелеу, екінші деңгейдегі банктер, микроқаржы ұйымдары және лизингтік компаниялар арқылы, сондай-ақ Шымкентте саны 20-ны құрайтын несиелік серіктестіктерді қорландыру арқылы.
