Алматы облысы жүгері дақылдарын көбейтуде

Алматы облысының аграрлары 2024 жылы жүгерімен 49,1 мың га егіп, орташа өнімділігі 55 ц/га болатын 270,7 мың тонна өнім жинады. Бұл аймақтың соңғы жылдардағы ең жақсы нәтижелерінің бірі. 2025 жылы жүгеріге арналған егіс алқаптарын 52,6 мың гектарға дейін ұлғайту жоспарлануда. Бұл туралы облыстық ауыл шаруашылығы басқармасы хабарлады.

20204 жылғы егіннің негізгі бөлігі - 175 мың тонна-жемшөп қажеттіліктеріне жұмсалды. Тағы 94 мың тонна қайта өңдеуге жіберілді, ал 1,3 мың тонна 2025 жылғы егіс науқанына қалдырылды.

Өңірдегі негізгі өңдеушілер "Жаркент крахмал-патока зауыты" (78 мың тонна), "АзияАгроФуд" (60 мың тонна) және "Көк Теңіз" (14 мың тонна) болып табылады. Жүгерінің орташа сатып алу бағасы тоннасына 55-60 мың теңге болды, ал құс фабрикалары оны килограмына 74 теңгеден сатып алды.

Алматы облысында ауыл шаруашылығы өндірушілерін қолдау үшін жүгеріні қайта өңдеуді субсидиялау қолданылады. 2024 жылы осы мақсаттарға 1,5 млрд теңге бөлінді, бұл аграрларға қайта өңдеуге берілген әрбір тонна үшін 18 мың теңгені өтеуге мүмкіндік берді. Облыста 102,6 мың тонна астықты сыйдыра алатын үш лицензияланған қойма жұмыс істейді.