"Бәйтерек" холдингі 16 мамырда KASE алаңында облигацияларды сатып алу арқылы 100 млрд теңге сомасына "Аграрлық несие корпорациясын" қорландыруды жүзеге асырды. Қаражат егіс және егін жинау үшін аграрларды қаржыландырумен уақтылы қамтамасыз етуге бағытталатын болады. Бұл туралы холдингтің баспасөз қызметі хабарлады.
"Нарықтық қаражат есебінен көктемгі егіс және егін жинау жұмыстарына АӨК жобаларын жоспарланып отырған қаржыландырудың жалпы көлемі 2024 жылы 300 млрд теңгені құрайды. Бұл ретте сыйақы мөлшерлемесін субсидиялауды ескере отырып, АӨК субъектілері жеңілдікті қаржыландыруды алады", - деп атап өтті баспасөз қызметінде.
АНК бағалауы бойынша 300 млрд теңгеге дейінгі сомадағы дала жұмыстарын қосымша қаржыландыру есебінен 4 млн гектарға жуық егіс алқаптарын қамту қамтамасыз етіледі.
Бұған дейін ҚР Ауыл шаруашылығы министрлігі ағымдағы жылы көктемгі егіс жұмыстарын жеңілдетілген қаржыландыру 580 млрд теңгені құрайтынын, оның 400 млрд теңгесі қаржы институттарын тікелей субсидиялау тетігі бойынша аграрлар үшін жылдық таза 5%-бен қарыз қаражатының қосымша көлемі екенін хабарлады.
