"Бәйтерек" Ұлттық басқарушы холдингі 26 желтоқсанда KASE алаңында жалпы көлемі 100 млрд теңгені құрайтын дебюттік "әлеуметтік" облигацияларды (ESG) орналастырды. Тартылған қаражат "Кен дала 2" бағдарламасы аясында Аграрлық несие корпорациясы арқылы көктемгі егіс және егін жинау жұмыстарын жүргізуге жұмсалады, деп хабарлады Холдингтің баспасөз қызметі.
Бұл ESG шығарылымы тұрақты даму қағидаттарына сәйкес келеді және оң әлеуметтік маңызды нәтижелерге қол жеткізу мақсатында КЕжЕЖ-ні уақтылы жүргізу үшін фермерлерге жеңілдікпен несие беруді көздейді.
"КЕжЕЖ-ға жеңілдікті несиелер алдын ала беріледі, бұл өз кезегінде фермерлерге қажетті агротехникалық іс-шаралардың уақтылы жүргізілуін алдын ала қамтамасыз етуге мүмкіндік береді. Бұған дейін Бәйтерек Холдингі КЕжЕЖ жүргізуге 280 млрд теңге бөлген болатын", - деп хабарлады "Бәйтерек"-те.
"Әлеуметтік" облигациялар - бұл корпоративтік облигациялар, оның мақсаты әлеуметтік проблеманы жеңілдету және әлеуметтік салаға әсер ететін оң нәтижелерге қол жеткізу болып табылады.
Қазақстан Ауыл шаруашылығы министрлігінің мәліметінше, 2025 жылы "Кең дала-2" бағдарламасы бойынша көктемгі егіс және егін жинау жұмыстарын қаржыландыру 29 қарашада басталған. Осы мақсаттарға бастапқы кезеңде 100 млрд теңге бөлінді, оның 58,9 млрд теңгеден астамын фермерлер алды. КЕжЕЖ-2025 жеңілдетілген қаржыландыруға барлығы 700 млрд теңгеге дейін бөлінетін болады.
