ҚР Ауыл шаруашылығы министрінің бұйрығымен Берік Манасов ауыл шаруашылығы министрлігінің Агроөнеркәсіптік кешендегі мемлекеттік инспекция комитетінің төрағасы қызметіне тағайындалды. Бұл туралы АШМ баспасөз қызметі хабарлады.
Берік Манасов 1985 жылы Шымкентте дүниеге келген. Қазақ гуманитарлық-заң университетін бітірген.
Еңбек жолын 2005 жылы жеке ұйымда қаржы талдаушысы болып бастаған.
2007 жылы екінші деңгейдегі банкте ШОБ несиелеу бөлімінің маманы болып жұмыс істеді.
2007-2008 жылдары — «Abadan Investments» АҚ инвестицияларды орналастыру департаментінің менеджері.
2008-2013 жылдары «Аграрлық несие корпорациясы» АҚ-да әртүрлі лауазымдарды атқарды.
2013-2014 жылдары - Ауыл шаруашылығын қаржылай қолдау қорының Қазынашылық департаментінің бас менеджері, директоры.
2018 жылы — «ҚазАгроГарант» АҚ ішкі бақылау қызметінің бастығы.
2022 жылдың мамыр айынан бастап қазіргі уақытқа дейін ҚР Ауыл шаруашылығы министрлігінің Халықаралық ынтымақтастық және инвестициялар тарту департаментінің директоры болды.
