Қарағанды облысында мал ұрлығын іздеу үшін жол тосқауылдары қойылды

Қарағанды облысының автожолдарында мал ұрлығына қарсы тұру үшін 18 жылжымалы тосқауыл қойылған. Бұл туралы облыстық полиция департаментінің баспасөз қызметі хабарлады.

Полиция қызметкерлері құжаттарды тексеру үшін ет пен мал таситын көліктерді тоқтатады. Жылжымалы жол тосқауылдары арнайы бұйрыққа дейін жұмыс істейді.

Полицияның мәліметінше, жыл басынан бері Қарағанды облысында мал ұрлығының 25 фактісі тіркелген, оның 18-і ашылған.

"Соңғы жағдайлардың бірі өткен аптада Бұқар Жырау ауданында болған, онда полиция қызметкерлері жергілікті тұрғыннан Голштин сиырын ұрлаған күдіктіні ұстады. Жәбірленушіге келтірілген залал 1 млн теңгені құрады. Аталған факті бойынша қылмыстық іс қозғалды, тергеу жүргізілуде", - деп хабарлады баспасөз қызметі.

Негізінен, мал ұрлығы еркін мал жаюдан болады, ал көптеген азаматтар жоғалғанын бірден байқамайды. Полицияға еркін жайылымдағы малдың жоғалғаны туралы 17 өтініш түсті. Жедел іс-шаралар нәтижесінде полиция қызметкерлері 106 жануарды тапты, оның ішінде 56 жылқы, 12 бас ірі қара және 38 ұсақ мал.