Қазақстанда бір жылда 2 млн гектардан астам жер тәркіленді

Қазақстанда 2024 жылдың басынан бері 2 млн гектардан астам ауыл шаруашылығы жерлері мемлекет меншігіне қайтарылды. Биылғы жылы жерді алып қою жоспары мерзімінен бұрын орындалды, деп хабарлады ҚР Ауыл шаруашылығы министрлігінің баспасөз қызметі.

Ведомствоның мәліметінше, жыл басынан бері жер ресурстарын басқару комитеті жалпы ауданы 2,8 млн га аумақта 1748 жоспардан тыс тексеру жүргізді. Тексеру қорытындысы бойынша 2,2 млн га аумақта жер заңнамасын бұзушылықтарды жою туралы 1342 ұйғарым берілді.

"Бұрын берілген нұсқамалар негізінде 311,3 мың га ауыл шаруашылығы жерлерін игеру басталды. 200,4 мың гектар аумақта пайдаланылмайтын жерлерді алып қою бойынша сот талқылаулары жүргізілуде", - деп хабарлады Ауыл шаруашылығы министрлігінен.

Бұдан басқа, мемлекеттік бақылау шеңберінде әкімдіктердің 368,5 мың га алаңда ауыл шаруашылығы мақсатындағы жерлерді беруі туралы 875 заңсыз шешім анықталды, оның 84 шешімнің күші жойылды. Негізгі бұзушылықтар конкурстық рәсімдерді айналып өтуге және жалпыға ортақ пайдаланылатын жайылымдарды заңсыз бөлуге байланысты.

Естеріңізге сала кетейік, бұған дейін ҚР президенті Қасым-Жомарт Тоқаев, егер олар мақсатына сай пайдаланылса, және жер пайдаланушы осы жерлердегі өндірісті дамытуға инвестиция салған болса, бұзушылықпен берілген жерлерді алып қоюды тоқтатуды тапсырған болатын.