Қазақстандағы су басу аудандарынан 33 мыңнан астам мал айдалды

Ауыл шаруашылығы министрлігінің басшылығы су тасқынынан зардап шеккендерді Ақтөбе, Батыс Қазақстан және Қостанай облыстарына барып, малды қауіпсіз қашықтыққа айдап әкету бойынша жұмысты қадағалады, ауыл шаруашылығы жануарлары иелерінің залалын белгілеу алгоритмдері бойынша түсіндіру жұмыстарын жүргізді, АШМ және Республикалық эпизоотияға қарсы жасақтың аумақтық өкілдіктерінің жұмысын қадағалады. Бұл туралы АШМ баспасөз қызметі хабарлады.

Сапар барысында министрлік басшылығы су тасқынынан зардап шеккен ауылдық округтерде фермерлермен және мал иелерімен кездесті.

"Жедел деректер бойынша 33 мыңнан астам мал су басу аудандарынан қауіпсіз қашықтыққа айдалды. Ауылшаруашылық жануарларының көпшілігі құтқарылды, мал иелеріне келтірілген залалды есептеу жалғасуда. Комиссия қорытындысы бойынша өлген жануарлардың иелеріне өтемақы төленетін болады", - деді Ауыл шаруашылығы министрі Айдарбек Сапаров.

Халықпен кездесулер барысында несиелерді төлеу бойынша кейінге қалдыру, төлемдер кешіктірілген жағдайда айыппұлдарды есептемеу туралы өтініштер айтылды. Ауыл шаруашылығы министрлігінің басшылығы бұл мәселені шешуге және фермерге жан-жақты қолдау көрсетуге уәде берді.

Су басу аумақтарындағы жұмыстарға Республикалық эпизоотияға қарсы отрядты қоса алғанда, ҚР АШМ аумақтық өкілдіктерінің қызметкерлері белсенді жұмылдырылды.

Сондай-ақ, айдалатын мал үшін азық-түлікпен қамтамасыз ету жұмыстары жүргізілуде, оның ішінде фермерлердің өтінімдері бойынша Азық-түлік корпорациясы жемшөп тасымалдауды ұйымдастыруға дайын.