"Қарқын Трейд" компаниясы Түркістан облысында қуаттылығы жылына 48 мың тонна ет өндіретін тігінен интеграцияланған бройлер құс фабрикасын салады. Бұл туралы ҚР Ауыл шаруашылығы министрлігінің баспасөз қызметі хабарлады.
Ведомствоның мәліметінше, қазіргі уақытта кәсіпорын қуаттылығы жылына 12 мың тонна дайын өнімді құрайтын ет өңдеу зауытын, 2 мың басқа арналған бордақылау алаңын қамтиды. Енді өндіріс қуатын кеңейту жоспарлануда, жоба бес жылға есептелген.
2026 жылы 16 мың тонна құс етіне арналған жобаның бірінші кезеңі іске қосылады, 2028 жылы өндіріс қуаты 32 мың тоннаға, ал 2030 жылға қарай 48 мың тоннаға дейін жеткізіледі. Жобаның жалпы құны 52,9 млрд теңгені құрайды.
"Қазіргі уақытта жобаны іске асырудың барлық аспектілерін қамтитын егжей-тегжейлі бизнес-жоспар әзірленді, қаржыландыруды қамтамасыз ету үшін әлеуетті инвесторлармен және қаржы институттарымен келіссөздер жүргізілді", - деп атап өтті Ауыл шаруашылығы министрлігінде.
