СҚО-да фермада ІҚМ арасында бруцеллез анықталды

Солтүстік Қазақстан облысы Қызылжар ауданы Глубокое ауылдық округінің Глубокое ауылында орналасқан "Астық сату Компаниясы" мал шаруашылығында бруцеллез анықталды. Ферма аумағында шектеу шаралары белгіленуде. Ауылдық округ әкімі бұйрығының тиісті жобасы "Ашық НҚА" порталында орналастырылған.

Бруцеллез жануарларды жоспарлы зерттеу кезінде анықталды. Осы шаруашылықта АШЖБ базасында 669 бас ІҚМ тіркелген.

Айта кетейік, өткен аптада ІҚМ арасында бруцеллездің анықталуына байланысты шектеу іс-шаралары Қарағанды облысының Қарқаралы ауданында: Ақжол ауылының (Мартбек Мамыраев ауылдық округі) және Татан ауылының (Теміршы ауылдық округі) аумағында да белгіленді.