Қазақстанда жемшөптің өткір тапшылығы болжанбайды. Бірақ кейбір аймақтардағы шөп бағасы өткен жылға қараанда 1,5 есе өсті. Бұл туралы Ауыл шаруашылығы министрлігінің баспасөз қызметі хабарлады.
Атап айтқанда, Қостанай облысында бағаның өсуі байқалады.
«Бір тонна үшін шөптің орташа сату бағасы өткен жылдан бері өзгерген жоқ және 24-30 мың теңгені құрайды. Алайда, облыс орталығына жақын кейбір аудандарда коммерциялық баға 40-45 мың теңгеге дейін жетеді», - деп хабарлады Ауыл шаруашылығы министрлігі.
Ведомствоның мәліметінше, Қостанай облысында жазда жауған жауын-шашын табиғи және егілген шөптердің өсуіне қолайлы жағдай туғызды. Облыс бойынша шөптердің орташа өнімділігі 5,2 ц/га құрайды. Қыстау кезеңінде 1,1 млн тонна шөп жинау жоспарлануда, оның 843,3 мың тоннасы дайын. Өңірге азық дайындау үшін 6,3 мың тонна арзандатылған дизель отыны бөлінді.
Азыққа деген қажеттілікті толыққанды қамтамасыз ету үшін шөп шабу үшін сүрі жерлер мен су айдындарының бойындағы жазғы дақылдарды қоса алғанда, алқаптардың барлық түрлері пайдаланылатын болады.
Жалпы, еліміз бойынша бүгінгі таңда фермерлер 12,7 млн тонна шөп дайындады, бұл биылғы жылға жоспарланған көлемнің 50,7% құрайды. Биылғы жылы өңірлердің жемшөп шығындарының құнын субсидиялауға 11,7 млрд теңге бөлінді. Қажет болған жағдайда облыс әкімдіктерінің қосымша қаражат жіберуге мүмкіндігі бар.
