Семей полигоны жерінің бір бөлігі ауыл шаруашылығы айналымына енгізіледі

ҚР Президенті Қасым-Жомарт Тоқаев бұрынғы Семей ядролық сынақ полигоны жерлерінің бір бөлігі ауыл шаруашылығы айналымына енгізілетін заңға қол қойды. Бұл туралы Қазақстан фермерлер қауымдастығынан хабарлады.

"Заңды қабылдаудың маңызды сәті - оны іске асыру нәтижесінде радиоактивті ластанған аумақтар мен ауыл шаруашылығы айналымына енгізуге болатын ядролық полигонның ластанбаған жерлері бөлінетін болады, бұл шамамен 1 млн га құрайды", - деп хабарлады қауымдастық.

Бұрынғы полигонның жалпы ауданы 1,8 млн гектардан асады. Ұлттық ядролық орталық жүргізетін оның аумақтарын кешенді экологиялық зерттеу барысында нормативтен тыс радиоактивті ластану және радиоактивті заттардың ықтимал таралуы учаскелері анықталды. Аталған аумақтар ерекше құқықтық режимі бар ядролық қауіпсіздік аймағының құрамына кіреді: оның жерлері мен инфрақұрылымы мемлекет меншігінде болады және иеліктен шығаруға жатпайды.