ҚазАТЗУ ғалымдары топыраққа минералды тыңайтқыштарды деңгейлі және сараланған түрде енгізу үшін чизельді терең қопсытқыш шығарды. Бұл туралы университеттің баспасөз қызметі хабарлады.
Ғылыми жоба топырақ құнарлылығының төмендеуі, өсімдіктердің оңтайлы қоректенуі, егін шаруашылығындағы өнімділікті арттыру және қоршаған ортаға агрохимиялық жүктемені азайту проблемаларын шешуге бағытталған.
Интеллектуалды чизельді терең қопсытқыш сүрі жерді өңдеу немесе сүдігерді көтеру кезінде минералды тыңайтқыштардың негізгі дозасын бір мезгілде сараланған деңгейлік енгізумен топырақты терең өңдеуге арналған. Бұл ретте тыңайтқыштардың әртүрлі түрлерін топырақ сынамаларын талдау негізінде жасалған нұсқама-электрондық картаның тапсырмасы бойынша бір мезгілде әртүрлі тереңдіктерге енгізуге болады.
Қолданылатын әдістер өсімдіктің оңтайлы дамуына және оған генетикалық түрде салынған өнім алуға ықпал етеді.
ЖОО ғалымдары Солтүстік және Орталық Қазақстанның топырақ-климаттық жағдайларында чизельді терең қопсытқышты қолдану үшін технологиялық негіздерді әзірлейді.
ҚазАТЗУ ақпараты бойынша, тыңайтқыштарды әр түрлі тереңдікке сараланған енгізу технологиясы және оны іске асыру үшін тыңайтқыш дәнді дақылдардың өнімділігін 1,3-1,7 есе арттыруды, минералды тыңайтқыштарды 25-30% үнемдеуді, минералды тыңайтқыштардың дозаларын – 0-400 кг/га саралауды қамтамасыз етеді.
