Ақтөбе облысындағы мәслихат депутаты малға заңсыз субсидия алды

Қаржы мониторингі агенттігінің (ҚМА) Ақтөбе облысы бойынша департаменті аудандық мәслихат депутатына қатысты ірі мөлшердегі алаяқтық фактісі бойынша сотқа дейінгі тергеу жүргізеді. Ол мал шаруашылығын дамытуға бөлінген субсидияларды заңсыз алды деп күдіктелуде. Бұл туралы ҚМА баспасөз қызметі хабарлады.

"ШҚ атынан өтінім беру арқылы іс жүзінде жоқ мал басы үшін заңсыз субсидия алған. Бұдан басқа, аталған тұлға "Сыбаға" мемлекеттік бағдарламасы аясында Аграрлық несие корпорациясы 600 бас ірі қара мал сатып алуға берген несие қаражатын заңсыз алды", - деп хабарлады ҚМА

Тергеу депутаттың іс-әрекеті нәтижесінде келтірілген жалпы шығынды 457 млн теңгеге бағалайды. Қазіргі уақытта бұл азамат қамауда.