БҰҰ Азық-түлік және ауыл шаруашылығы ұйымы (ФАО) Қазақстанда ауыл шаруашылығы саласындағы мамандардың қаржылық және инвестициялық білім деңгейін арттыруға бағытталған бірқатар тренингтер ұйымдастырады. Оқыту аграрлық жобаларды қаржыландыру үшін несиелерге қолжетімділікті жеңілдету мақсатында жүргізіледі. Бұл туралы ФАО өкілдігінде хабарлады.
ФАО атап өткендей, шағын ауылдық кәсіпорындар әлемдік азық-түліктің 80% өндіреді, бірақ олар әлі де ұлттық немесе халықаралық қаржы институттарынан қаражат алу кезінде көптеген қиындықтарға тап болуда. Қазақстанда көптеген фермерлердің қаржылық сауаттылығы төмен.
Сондықтан ФАО инвестициялық жобаларды қалыптастырумен және консалтингпен айналысатын несиелік ұйымдар, ШОБ, академиялар және басқа да құрылымдар өкілдерін қоса алғанда, мамандардың екі тобы үшін екі семинар ұйымдастырады. Барлығы 40 адамға оқыту жоспарланған. Қатысушыларға кең қатысуға негізделген тәсіл, сондай-ақ шағын агробизнеске (өндіріс, мал шаруашылығы, қызметтер, агроөнеркәсіптік кешен) арналған бағдарламалық қамтамасыз ету арқылы бизнес-жоспар әзірлеуге үйретіледі.
Оқыту бағдарламасында Ruralinvest - тұрақты және тиімді инвестициялық ұсыныстарды әзірлеуге жәрдемдесу арқылы кәсіпкерлермен жұмысында жергілікті техниктерді қолдауға арналған тегін құралдар жинағын пайдаланады. RuralInvest құралдар жинағы тәжірибеде дәлелденген әдістемені, оқу құралын, әртүрлі елдердегі онлайн және бетпе-бет оқытуды және Ruralinvest компьютерлік бағдарламасын қамтиды.
"RuralInvest ФАО-ның құралдар жинағы фермерлердің қаржылық және инвестициялық білімін одан әрі инвестициялық жобаларды әзірлеу үшін жақсарта алады. Осылайша, бұл құрал ауыл кәсіпкерлерінің несиеге қолжетімділігін кеңейтеді. Бұл өз кезегінде Қазақстандағы агробизнес саласындағы инвестициялық ұсыныстарды дайындауды жеңілдетуге көмектеседі", - деп түсіндірді ФАО-ның Қазақстан Республикасындағы байланыстар және әріптестік бюросының басшысы Қайрат Нәжімиденов.
Оқыту бағдарламасы Астанадағы теориялық құрамдас бөлікті және ауылдық жерлердегі практикалық құрамдас бөлікті қамтитын болады.
