Астанада екі заңсыз ет цехы жабылды

Полиция қызметкерлері ҰҚКД-мен бірлесіп Астанада ет өңдеу және сату бойынша заңсыз іс-әрекеттің жолын кесті. Ет мүшелеу рұқсат құжаттарынсыз және антисанитариялық жағдайда жүргізілді, деп хабарлады Қалалық полиция департаментінің баспасөз қызметі.

"Кәсіпкер жерасты сою цехы үшін үй-жайды жалға алды. Онда күн сайын ақшалай төлем алатын алты адам заңсыз жұмыс істеді. Шикізат ретінде құжатсыз сатып алынған күмәнді ет пайдаланылды. Дайын өнім Қазақстанның өңірлеріне таратылды", - деп хабарлады Полиция департаменті.

Екінші жағдайда, жергілікті тұрғын өз үйінің ауласында заңсыз ет саудасын ұйымдастырды. Өнімге құжаттар да, ветеринарлық белгілер де болған жоқ.

Қазіргі уақытта тәркіленген ет сапасын тексеру үшін сараптама тағайындалды. Анықталған бұзушылықтар фактілері бойынша қылмыстық іс қозғалды, ал құқық бұзушыларға қатысты әкімшілік хаттамалар жасалды.