Жамбыл облысында екі трактор құрастыру зауыты салынуда

Жамбыл облысында жалпы құны 5 млрд теңгені құрайтын екі жобаны іске асыру басталды. Өндірістерді іске қосу фермерлерді қолжетімді ауыл шаруашылығы техникасымен қамтамасыз етуге және тиісінше саладағы еңбек өнімділігін арттыруға мүмкіндік береді. Бұл туралы ОКҚ брифингінде аймақ басшысы Ербол Қарашөкеев мәлімдеді.

Әкімнің айтуынша, биыл облыста 10,8 млрд теңгеге 12 инвестициялық жоба іске қосылды.

СҚО-ның Жамбыл облысындағы тәжірибесін ауқымдау шеңберінде 2025 жылы іске қосылатын 1913 басқа арналған төрт сүт-тауар фермасының құрылысы аяқталуда. Бұл жыл сайынғы сүт өндірісін 15 мың тоннаға немесе 6,5%-ға арттыруға мүмкіндік береді.

Сондай-ақ, бес көкөніс қоймасының құрылысы жүргізілуде, бұл сақтау қуатын 10%-ға арттыруға және маусымаралық кезеңде бағаны тұрақтандыруға мүмкіндік береді. Бұдан басқа, жалпы сомасы 8,5 млрд теңгеге су үнемдеу технологиялары, тері мен жүнді өңдеу, алма шырынын, балалар езбесін, балық пен үй жануарларына арналған жемшөп, фри картобын өндіру бойынша жобалар іске асырылуда.

"Сондай-ақ, өңірде қытайлық Fufeng Group компаниясымен бірлесіп, еліміз үшін бірегей жобаны – 173 млрд теңгеге жылына 500 мың тонна жүгеріні терең өңдеу зауытын салу іске асырыла бастады. Күрделі аминқышқылдарының бүкіл әлемдік өндірісінің 60%-ы осы компанияның үлесіне тиесілі екенін атап өткім келеді. 2025 жылы АӨК саласына 50 млрд теңге инвестиция тарту жоспарлануда", - деп атап өтті Ербол Қарашөкеев.