Ауыл шаруашылығы саласындағы мемлекеттік мекемелер мен қаржы институттарының басшылары, сондай-ақ Ақтөбе облысының кәсіпкерлер палатасының өкілдері "бір терезе" қағидаты бойынша проблемалық мәселелер бойынша шаруашылық басшыларын қабылдайтын болады. Бірыңғай қабылдау күні апта сайын жұма күндері Палата алаңында сағат 10.00-ден 12.00-ге дейін өтеді. Бұл туралы "Атамекен" ҰКП хабарлады.
"Біздің міндетіміз - фермерлер мен шаруа қожалықтарының басшыларын кабинеттерге барудан барынша қорғау, сол арқылы олардың мәселесін шешуді жеделдету, сондай-ақ олардың қызметін жақсартуға жәрдемдесу. Қабылдауды бірінші басшылар тікелей жүргізеді. Барлық өтініштер, сондай-ақ орындалу арнайы журналда тіркеледі. Біз сол жерде жауап беруге тырысамыз, қажет болған жағдайда мәселені қосымша зерделеу үшін кәсіпкерге жауаптар беріледі. Мысалы, бүгінде Агронесие корпорациясында несие беру, ҚазАгроҚаржы желісі бойынша техника алу, сондай-ақ ауыл шаруашылығы өнімдерін өткізуге жәрдемдесу, шегірткеге қарсы күрес және т.б. мәселелері жөнінде сөз қозғалды", - деді Ақтөбе облысы Ауыл шаруашылығы және жер қатынастары басқармасының басшысы Құсайын Сәрсенбаев.
Бірінші қабылдау күні 12 шілдеде өтті. Облыс аудандарынан келген фермерлер атап өткендей, мұндай жұмыс форматы уақыт пен күш-жігерді үнемдейді, өйткені проблемалық мәселені бір жерде шешуге мүмкіндік туды.
