Бірыңғай жер салығы Қазақстанда ЖТС-қа ауыстырылады

Қазақстанда бірыңғай жер салығы жойылады. Бұл туралы бүгін ОКҚ брифингінде Ұлттық экономика вице-министрі Азамат Амрин Салық кодексіне әзірленген түзетулерді таныстыра отырып хабарлады.

Вице-министрдің айтуынша, жаңа Салық кодексінің жобасында шаруа және фермер қожалықтары үшін ағымдағы салық режимін сақтау ұсынылады.

"Тек бірыңғай жер салығының орнына жеке табыс салығы төленеді. Осы режим үшін тиімсіз пайдаланылған жерлер бойынша жер салығын базалық мөлшерлемеден 40 есе мөлшерде енгізу ұсынылады. Ауыл шаруашылығы өндірушілеріне арналған жеңілдіктер әрбір салық бойынша жеке-жеке сақталатын болады", - деді Азамат Амрин.

Ауыл шаруашылығы өндірушілері үшін салық мөлшерлемесі де 3% деңгейінде сақталды.