"Бәйтерек" Ұлттық басқарушы холдингі бизнесті қаржылай қолдаудың бірыңғай порталын іске қосу туралы жариялады – www.bgov.kz.
bgov.kz порталы "Бірыңғай терезе" қағидаты бойынша жұмыс істейді және "Бәйтерек" холдингі және оның еншілес ұйымдары: "Даму" КДҚ, Қазақстанның Даму Банкі, Қазақстандық тұрғын үй компаниясы, Аграрлық несиелік корпорация, ҚазАгроҚаржы, өнеркәсіпті дамыту қоры, Qazaqstsan Investment Corporation және KazakhExport ЭСК ұсынатын қызметтердің толық спектрін ұсынады.
Платформа кәсіпкерлерге бизнестің көлемі мен қызмет түріне байланысты қажетті қолдау құралын табуға, онлайн өтініш беруге және барлық кезеңдерде өтінімді қарау процесін бақылауға мүмкіндік береді. Бүгінгі таңда портал қаржылық қолдаудың алты негізгі бағытын қамтиды: несиелеу, субсидиялау, лизинг, сақтандыру, кепілдік беру және инвестициялау.
"Bgov кәсіпкерлерге бір жерде өз бизнесіне сәйкес келетін қолдау құралын табуға көмектесуге арналған. Бұл бизнесмендердің мемлекеттік құрылымдармен өзара іс-қимылын едәуір жеңілдетеді және бизнеске қаржылық көмек көрсету процесінің ашықтығының жоғары деңгейін қамтамасыз етеді", - деп түсіндірді "Батерек" холдингі Басқарма төрағасының орынбасары Үсен Ғалым.
