Тауарлар
Қызметтер
Тасымалдау қызметі
Дүниежүзілік жануарлар денсаулығы ұйымының сарапшылар тобы ветеринарлық қызметтің тиімділігін және аусыл мен классикалық шошқа обасын бақылау бағдарламаларын бағалады. Мамандар өңірлердегі ветеринарлық дәрігерлер мен инспекторлардың жұмысын, олардың өзара іс-қимылын, сондай-ақ жануарлар ауруының өршуіне ден қою кезіндегі құзыреттілігін талдады. Бұл туралы ҚР Ауыл шаруашылығы министрлігінің баспасөз қызметі хабарлады.
АШМ ақпараты бойынша, аусыл бойынша дезинфекциялық техниканың, өлікселерді жоюға арналған инсенераторлардың, сондай-ақ құлақтандыру жүйесінің жай-күйіне тексеру жүргізген Қарағанды және Солтүстік Қазақстан облыстарына барды. Делегация Республикалық эпизоотияға қарсы жасақтың филиалына барып, техниканың шығуға дайындығын, сондай-ақ жануарлардың ауруы туралы сигнал алған кезде дайындығын және олардың ден қою уақытын тексерді.
Сонымен қатар, мамандар екі өңірдің бірнеше ауылдарына барып, жануарлар иелерінің ветеринарлармен өзара іс-қимылын, олардың аусыл ауруының белгілері туралы хабардарлығын, сондай-ақ ветеринарлардың білімін және жұқтырған жануарларды алғашқы тіркеу кезінде қабылданатын шараларды бағалады.
Сарапшылар тобы аудандық және облыстық ветеринариялық зертханалардың патологиялық материалды қабылдауының жай-күйі мен дайындығын бағалап, ауыл шаруашылығы жануарларын сәйкестендірудің ақпараттық жүйесімен танысты.
Екінші топ классикалық шошқа обасының алдын алу жұмыстарын талдады. Сарапшылар Павлодар, Қарағанды және Қостанай облыстарының ветеринариялық қызметін тексерді. ДЖДҰ сарапшылары облыстық ветеринариялық инспекцияларға, жеке қосалқы шаруашылықтарында, сондай-ақ Ресей Федерациясымен шекарадағы өткізу пункттерінде болды.
"Қазақстанның өңірлеріне сапар қорытындысы бойынша ДЖДҰ сарапшылары ветеринариялық қызметтердің үйлесімді жұмысын және оларды қажетті жабдықтармен толық жарақтандыруды атап өтті. Сонымен қатар, мамандардың жұмысын одан әрі жетілдіру бойынша тиісті ұсыныстар берілді", - деп хабарлады Ауыл шаруашылығы министрлігі.
