Мемлекет басшысының Жарлығымен Ербол Қарашөкеев Қазақстан Республикасының Ауыл шаруашылығы министрі болып тағайындалды. Бұл туралы Ақорда хабарлайды.
Ербол Қарашөкеев 1976 жылы Алматы облысында дүниеге келген. Әл-Фараби атындағы Қазақ мемлекеттік ұлттық университетін, Қазіргі гуманитарлық институтын бітірген. Мамандығы - экономист, бакалавр академиялық дәрежесі берілген менеджмент саласындағы маман, экономика магистрі, құқықтану бакалавры.
2003-2006 жылдары ол қаржы департаментінің директоры – экспорттық несиелер мен инвестицияларды сақтандыру бойынша мемлекеттік сақтандыру корпорациясының басқарма мүшесі болып жұмыс істеді.
2006-2007 жылдары ҚР Қаржы министрлігінің жиынтық-талдау департаментінің директоры болды.
2007 жылдың қаңтар-шілде айлары аралығында - "ҚазАгро" Ұлттық басқарушы холдингінің басқарушы директоры.
2007-2009 жылдары - Ауыл шаруашылығын қаржылай қолдау қорының басқарма төрағасы.
2010 – 2012 жылдары — республикалық бюджеттің атқарылуын бақылау жөніндегі Есеп комитетінің Қаржылық бұзушылықтарды зерттеу орталығының директоры.
2012 жылдан 2013 жылға дейін — ҚБТУ мұнай-газ инжинирингі және ақпараттық технологиялар институтының бас директоры.
2013 – 2016 жылдары — Қазақстанның тұрғын үй-құрылыс жинақ банкі басқарма төрағасының орынбасары.
2016 жылдан 2019 жылға дейін — ҚР Президенті Әкімшілігінің Әлеуметтік-экономикалық мониторинг бөлімі меңгерушісінің орынбасары.
2019 жылғы қаңтар-сәуір аралығында - ҚР Қаржы министрлігінің Қазынашылық комитетінің төрағасы.
2019 жылдың сәуірінен 2021 жылдың наурызына дейін - "ҚазАгро" Холдингі" АҚ басқарма төрағасы.
2021 жылғы сәуірден шілдеге дейін - ҚР қаржы вице-министрі.
2021 жылғы шілдеден бастап - ҚР Ауыл шаруашылығы министрінің міндетін атқарушы-вице-министр.
2021 жылдың 1 қыркүйегінен бастап Ербол Қарашөкеев ҚР Ауыл шаруашылығы министрлігін басқарады.
