Фермерлерге кәсіпорындарды дезинфекциялау бойынша ұсыныстар берілді

Ауылшаруашылық жануарлары мен құстарды ұстау мен тамақтандырудың оңтайлы жағдайларын қамтамасыз етсе де, вирустық және бактериялық инфекциялар салмақ жоғалтуға, өнімділіктің төмендеуіне, кейіннен емдеу шығындарына немесе малдың өліміне әкелуі мүмкін. Сондықтан ветеринариялық-санитариялық салауаттылықты сақтаудың маңызды факторы дезинфекция болып табылады. Мұндай іс-шараларды өткізу бойынша ұсынымдарды Қостанай облысының ветеринария басқармасы беріп отыр.

"Дезинфекция деп жануарлар мен құстарда аса қауіпті аурулардың өршуіне әкелетін зиянды микроорганизмдерді жоюға бағытталған іс-шаралардың барлық кешені түсініледі. Мал және құс орынжайларының барлық аумағы, қолданылатын жабдық, пайдаланылатын мүкәммал, көлік, жұмыскерлердің киімдері мен аяқ киімдері зарарсыздандырылады", - деп атап өтті Басқармада.

Шаруашылықтың эпизоотиялық әл-ауқатын қамтамасыз ету үшін вирустар мен патогендік бактериялардың - жәндіктер мен кеміргіштердің ықтимал тасымалдаушыларын жою шараларын қабылдау қажет.

Қостанай облысының ветеринария басқармасы меншік нысанына қарамастан барлық ауыл шаруашылығы жануарлары мен құстардың иелерін тұрақты негізде мал және құс шаруашылығы үй-жайларын профилактикалық дезинфекциялауға шақырады. Барлық сұрақтар бойынша Қостанай облысы бойынша аудандар мен қалалардың ветеринариялық станциясына хабарласуға болады.