Қазақстан фермерлеріне органикалық заттар өндіруге көмектеседі

"Атамекен" Ұлттық кәсіпкерлер палатасы, Carlsberg Kazakhstan және Қазақстанның органикалық өнім өндірушілер одағы органикалық ауыл шаруашылығы өндірісі саласындағы ынтымақтастықты дамыту туралы келісім жасасты.

"Атамекен" ҰКП хабарлағандай, келісім органикалық өндіріс саласындағы бизнес үшін қолайлы жағдайлар жасауға, отандық нарық үшін органикалық өнім өндіретін фермерлердің бәсекеге қабілеттілігін арттыруға және экспортқа, ауыл шаруашылығының экологиялық тұрақтылығын нығайтуға бағытталған.

"Бүгінде бүкіл әлемде химиялық заттарды қолданбай табиғи жағдайда өндірілетін органикалық өнімдердің тренді танымал болып келеді. Қазақстан Орта Азиядағы ірі органикалық өнім өндіруші болудың бірегей әлеуетіне ие. Біздің еліміздің басты артықшылығы егістік жерлерде минералды тыңайтқыштар мен пестицидтерді қолданудың төмен деңгейі болып табылады. Бұл фактор органикалық ауыл шаруашылығын дамытуға үлкен мүмкіндіктер ашады", - деп атап өтті "Атамекен" ҰКП басқарма төрағасы Ербол Есенеев.

Келісім фермерлер мен өндірушілер үшін жаңа мүмкіндіктер ашады:

• PGS көмегімен органикалық сертификаттауды жеңілдету;
• халықаралық нарықтарда қазақстандық органикалық өнімнің танымалдығы мен бәсекеге қабілеттілігін арттыру;
• заманауи экологиялық таза технологияларды енгізу;
• экологиялық қауіпсіздікті нығайту және топырақ құнарлылығын арттыру.

Қазақстанның органикалық өнім өндірушілер одағының директоры Арсен Керімбековтың айтуынша, соңғы жылдары шағын фермерлік шаруашылықтардың органикалық ауыл шаруашылығына деген қызығушылығы артты. Алайда, микробизнес үшін қолжетімді емес сертификаттау құны олар үшін үлкен кедергі болып қала береді.

"Осы тұрғыда бүгінгі іс-шара ерекше маңызға ие: ол шағын фермерлерге халықаралық сарапшылардан кеңес алуға және олардың агроөнеркәсіп өндірісін сертификаттау үшін қаржылық қолдау алуға мүмкіндік береді", - деп түйіндеді Арсен Керімбеков.