Қазақстан фермерлеріне 50 млрд теңгеге қарыздар ұзартылды

2023 жылы ауа-райынан зардап шеккен қазақстандық фермерлерге Аграрлық несие корпорациясы мен ҚазАгроҚаржыда жалпы сомасы 50 млрд теңгеге қарыздарды ұзарту мақұлданды. Бұл туралы Ауыл шаруашылығы министрлігінің баспасөз қызметі хабарлады.

Ауыл шаруашылығы министрі Айдарбек Сапаров Аграрлық несие корпорациясы мен ҚазАгроҚаржы басшылығының қатысуымен аграрларды қолдау мәселелері бойынша кеңес өткізді. Аталған қаржы институттары АӨК қаржыландыруда айтарлықтай үлеске ие екендігі атап өтілді. Агросектордың несиелік портфелінде АНК мен ҚАҚ үлесі 77% - дан асады, қаржыландырумен сала субъектілерінің шамамен 28% - ы қамтылған.

Мемлекет басшысының аграрларды қолдау жөніндегі тапсырмасын орындау шеңберінде жалпы кейінге қалдыру сомасы 50 млрд теңгеге қарыздарды ұзартуға өтінімдер мақұлданды. Жалпы, 2023 жылы АНК және ҚАҚ қаржыландыру көлемі 554,7 млрд теңгені құрады.

Айдарбек Сапаров АНК мен ҚАҚ-ға егіс жұмыстарын жеңілдетілген несиелендіруге ерекше назар аудара отырып, қолдауды қажет ететін шағын шаруашылық нысандарын қаржыландыруға баса назар аударуды тапсырды. Қарыздарды кез келген негізсіз ұзартуларды болдырмау мақсатына қарай ұзарту жөніндегі жұмыс жалғастырылатын болады.

Сонымен қатар, министр кепілге қойылатын талаптарды жеңілдету, қаржыландыру алу кезінде автоматтандыру жұмыстарын күшейту, кәсіпкерлердің өтінімдерін қарау мерзімдерін қысқарту үшін жаңа тәсілдерді әзірлеуді тапсырды.