Фермерлерге жұмысшыларға арналған тұрғын үй құрылысын субсидиялайды

Қазақстан үкіметі өз қызметкерлері үшін ауылдарда тұрғын үй салатын фермерлерге қолдау көрсетеді. Шығындардың бір бөлігін субсидиялау, сондай-ақ "Отбасы банкі"желісі бойынша жеңілдікті несиелеу мүмкіндігі пысықталуда. Бұл туралы премьер-министр Әлихан Смайылов Мәжіліс депутаттарының салуына берген жауабында мәлімдеді.

"ҚР Өнеркәсіп және құрылыс министрлігі ауылда жалға берілетін тұрғын үй салу бойынша жұмыс берушілердің шығындарын субсидиялау қағидаларының жобасын әзірледі. Жобада пайдалануға берілген 75-тен 100 шаршы метрге дейінгі тұрғын үй құнынан 5 млн теңгеден аспайтын мөлшерде жұмыс берушілердің шығындарын субсидиялаудың негізгі шарттары көзделеді", - деді үкімет басшысы.

Аталған ережелер ағымдағы жылдың соңына дейін бекітіледі деп күтілуде.

Бұдан басқа, ауыл шаруашылығы өндірушілері "Отбасы банкінен" жер сатып алуға, үй салуға, сондай-ақ қызметкерлер үшін дайын тұрғын үй сатып алуға жеңілдікті несие ала алады.

"Ауыл тұрғындары үшін несие беру шарттары қала тұрғындарына қарағанда тартымды болады және ауылдық елді мекеннің санатына байланысты болады деп болжануда. Сонымен қатар, жергілікті атқарушы органдар не ауыл шаруашылығы өндірушілері мен "Отбасы банкі" АҚ арасында тиісті келісімдер жасалған жағдайда, сатып алынатын тұрғын үй құнының 50% субсидиялау арқылы несиелеу көлемін ұлғайтуға болады", - деді Әлихан Смайылов.