Ауыл шаруашылығы министрлігі фермерлердің ұңғымаларды бұрғылауға жұмсаған шығындарын өтеу үлесін 80% - ға дейін ұлғайту туралы мәселені пысықтауда. Төлемдер жергілікті бюджеттерден төленеді деп болжануда. Бұл туралы бүгін Үкімет отырысында Ауыл шаруашылығы министрі Ербол Қарашөкеев мәлімдеді.
"Мүдделі тараптармен келісілгеннен кейін бұл өзгерістер инвестициялық субсидиялау қағидаларына енгізілетін болады. Осыған байланысты, су беру, сондай-ақ суды есепке алу бойынша қызметтер көрсету мәселелері экология және табиғи ресурстар министрлігіне бекітілгенін ескере отырып, оларға облыс әкімдіктерімен бірлесіп фермерлер арасында есепке алу аспаптарын немесе өлшеу аспаптары мен қондырғыларын таңдау және орнату бойынша түсініктемелер жүргізуді ұсынамыз", - деді Ауыл шаруашылығы министрлігінің басшысы.
Ол сондай-ақ Аудиторлық палатаның нұсқауы бойынша суару әдістеріне байланысты су беру бойынша субсидияларды саралау бойынша жұмыс жүргізіліп жатқанын хабарлады. Өзгерістер енгізілгеннен кейін субсидияларды бұрынғы деңгейде су үнемдеу технологияларын қолданатын фермерлер ғана алатын болады.
Бұйрықтың тиісті жобасы мүдделі мемлекеттік органдармен келісу сатысында тұр.
