Жетісу фермерлері қант қызылшасы дақылдарын көбейтуде

Талдықорған аумағында жұмыс істейтін "Самай" шаруа қожалығы биылғы жылы қант қызылшасын екі есеге көбейтіп, дақылға 40 гектардан астам жер берді. Бұл заманауи ауылшаруашылық техникасын, сапалы тұқымдарды қолдану және агротехнологияларды сақтау арқылы мүмкін болды. Бұл туралы облыс әкімінің баспасөз қызметі хабарлады.

"Біздің топырағымыз күрделі, тым тасты. Сондықтан арнайы техникасыз жасай мүмкін емес, топырақты арнайы өңдеусіз ештеңе өспейді. Алдымен біз тас жинағышты іске қосамыз, бір өткенде шамамен екі тонна тас жинай алады. Осыдан кейін біз топырақты қопсытатын, арамшөптердің тамырларын алып тастайтын компакторды жібереміз. Нәтижесінде топырақ жұмсарады. Садан кейін ғана сепкіш өтеді. Екінші жылы біз Conviso Smart тұқымын қолданып келеміз. Өнгіштігі, өнімділігі оларда өте жақсы. Егер өткен жылы қант қызылшасымен 20 га еккен болсақ, биыл 40 га астам егуді жоспарлап отырмыз. Әр гектардан 450 центнерден алдық, Көксу қант зауытына 900 тонна өңдеуге тапсырылды. Биыл біз кем дегенде 2 мың тонна өнім аламыз деп күтеміз", - деді шаруа қожалығының басшысы Еркінбек Слямов.

Шаруашылықта 15 трактор және басқа да ауылшаруашылық техникасы бар. "Самай" ШҚ-да ауыспалы егіс байқалады, биыл қант қызылшасынан басқа, 100 гектарға дәнді дақылдар, 300 га – соя, 60 га – жүгері, 50 га – көпжылдық шөптер егіледі.

Биыл Жетісу облысында ауыл шаруашылығы дақылдарының егіс алқабы 7 мың гектарға ұлғаяды және 524,8 мың гектарды құрайды. Дақылдарды әртараптандыру шеңберінде басым дақылдардың, оның ішінде қант қызылшасы, майлы және жемшөп алқаптары 18,1 мың гектарға ұлғаяды. Өңірде қант қызылшасы биыл 11,5 мың га жерді алатын болады.