АШМ Агроөнеркәсіптік кешендегі мемлекеттік инспекция комитетінің төрағасы пара алғаны үшін 3,5 жылға бас бостандығынан айырылды. Бұл туралы ҚР Сыбайлас жемқорлыққа қарсы іс-қимыл агенттігінің баспасөз қызметі хабарлады.
"Қостанай қаласының № 2 сотының 3 жыл 6 айға бас бостандығынан айыру үкімімен, орташа қауіпсіздік түзеу мекемесінде мерзімін өтей отырып, Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің төрағасы Д. Әбдікәрімов сотталды, ол жеке компаниялардың басшысы С. Оспановтан шегірткеге қарсы пестицидтерді жеткізу бойынша қызметтерді мемлекеттік сатып алу шартын жасағаны үшін 4,4 млн теңге сомасында пара алғаны үшін кінәлі деп танылды", - деп хабарлады Агенттіктен.
Сондай-ақ кәсіпкер Оспановқа үкім шығарылды: 3 жыл бас бостандығынан айыру.
Сонымен бірге сотталғандарға мемлекеттік қызметте және квазимемлекеттік сектор субъектілерінде қызмет атқаруға өмір бойы тыйым салынады.
Үкім заңды күшіне енген жоқ.
