Ұлттық аграрлық ғылыми-білім беру орталығының басқарма төрағасы болып Айгүл Ахмеджанова тағайындалды. Бұл туралы ҰАҒБО баспасөз қызметі хабарлады.
Айгүл Ахмеджанова Семейде дүниеге келген. Семей ет және сүт өнеркәсібі технологиялық институтын, Көкшетау университетін және Ресей Федерациясы Президентінің жанындағы Ресей халық шаруашылығы және Мемлекеттік қызмет Академиясын бітірген.
Еңбек жолын 1988 жылы Көкшетау сүт комбинатында шебер қызметінен бастаған. Ақмола облысы әкімдігінің әртүрлі басқармаларында, "Қазагромаркетинг" АҚ, Республикалық ветеринариялық зертханада, "Алмэкс" Холдингтік тобы" АҚ, Ұлттық аграрлық ғылыми-білім беру орталығында басшылық қызметтер атқарды.
2019 жылдан 2022 жылға дейін "Түркістан" ӘКК" АҚ басқарды.
