Түркістанда Жер ресурстары департаментінің басшысы ұсталды

Түркістан облысы бойынша сыбайлас жемқорлыққа қарсы қызмет ҚР АШМ Түркістан облысының Жер ресурстарын басқару департаментінің басшысы мен оның көмекшісіне қатысты сотқа дейінгі тергеу жүргізуде. Күдіктілердің екеуі де қамауға алынды. Бұл туралы Сыбайлас жемқорлыққа қарсы қызметтің баспасөз қызметі хабарлады.

"Олар жеке кәсіпкерді 18 млн теңге көлемінде пара беруге итермеледі деп күдіктелуде. Ақша Түркістан қаласында коммерциялық құрылыс салу үшін жер учаскесін беруге жәрдемдесуге арналған", - деп хабарлады Антикор.

Тергеу сотының санкциясымен күдіктілер қамауға алынды. Сотқа дейінгі тергеу жалғасуда.