Тауарлар
Қызметтер
Тасымалдау қызметі
Қостанай облысында BEEF EXPORT GROUP ет өңдеу кәсіпорны директорының басшылығымен ұйымдастырылған топқа қатысты қылмыстық істің қаржы мониторингі агенттігі департаментінің сотқа дейінгі тергеуі аяқталды. Бұл туралы ҚМА баспасөз қызметі хабарлады.
"Аталған адамдар тобы ұзақ уақыт бойы "ҚР агроөнеркәсіптік кешенін дамыту" ұлттық жобасын іске асыру шеңберінде мемлекет субсидия ретінде бөлген бюджет қаражатын ұрлаумен айналысып келген, мемлекетке 3 млрд теңгеден астам шығын келтірілді, оның ішінде сотқа дейінгі тергеу барысында 107 млн теңге өтелді, күдіктілердің мүлкі 3,1 млрд теңгеге тыйым салынды"- деп хабарлады ҚМА-де.
Хабарламада қылмыстық схемаға барлығы 49 адам тартылғаны, оның ішінде 13 адам — субсидиялар беру, заңсыз кәсіпкерлік қызмет, салық төлеуден жалтару, қылмыстық жолмен алынған мүлікті заңдастыру, құжаттарды қолдан жасау және лауазымды тұлғаларға пара беру айыпталатын ұйымдасқан топтың мүшелері екендігі атап өтілді
"Ұйымдасқан топтың басшысы өзі бақылайтын компанияның қызметіне салықтық тексеру жүргізген мемлекеттік қызметшіге қатысты зорлық-зомбылық әрекеттерін қолданды деп күдіктенеді", - деп нақтылады Қаржы мониторингі агенттігінде.
Осы іс бойынша Ақтөбе, Батыс Қазақстан, Қостанай, Павлодар және Солтүстік Қазақстан облыстарының басқа да 30 шаруа қожалықтарының басшылары мен өкілдері күдікті ретінде өтіп жатыр.
Сотқа дейінгі тергеп-тексеру шеңберінде "Қостанай облысы әкімдігінің ауыл шаруашылығы басқармасы" ММ-нің 3 лауазымды адамына ақша қаражатын ұрлауға көмек көрсеткен күдіктер қойылды.
7 ветеринарлық дәрігерге құжаттарды қолдан жасағаны, заңсыз сыйақы алғаны, сондай-ақ ақпараттық жүйеге көрінеу жалған ақпарат енгізгені үшін айып тағылды.
