Тауарлар
Қызметтер
Тасымалдау қызметі
"Алель Агро" АҚ Жамбыл облысында қуаттылығы жылына 30 млн жұмыртқа инкубаторын іске қосты. Кешеннің құны - 4 млрд теңге. Бұл туралы Ауыл шаруашылығы министрлігінің баспасөз қызметі хабарлады.
"Инкубаторды іске қосу компанияның аймақтағы құс шаруашылығын дамыту жөніндегі ауқымды бағдарламасының бір бөлігі болды. 2022 жылы "Алель Агро" құс фабрикасы, 2023 жылы жылына 96 мың тонна жемшөп өндіретін зауыт ашылды", - деп хабарлады Ауыл шаруашылығы министрлігінде.
Ведомствоның мәліметінше, Жамбыл облысында бес ірі құс шаруашылығы кәсіпорны жұмыс істейді: "Әулие-Ата Феникс" ЖШС, "Алель-Агро", "Қордай құс" және "БМ Агропродукт" құс етін өндірумен, ал "Аса-Даму" ЖШС жұмыртқа өндірумен айналысады.
Жыл басынан бері өңірде 12,8 мың тонна құс еті өндірілді, бұл 2023 жылдың сәйкес кезеңімен салыстырғанда 13,2%-ға артық. Жұмыртқа өндірісінің өсуі 3% немесе 89,5 миллион жұмыртқаны құрады. 475,9 тонна құс еті экспортталды.
