Қазақстанда АӨК үшін инновациялық гранттар берілетін болады

Цифрлық даму, инновациялар және аэроғарыш өнеркәсібі министрлігі агроөнеркәсіптік кешенді басымдықтар тізбесіне енгізе отырып, "Инновациялық гранттар берудің басым бағыттарын айқындау туралы" бұйрыққа толықтырулар дайындады.

Қаржы министрлігі ауыл шаруашылығындағы инновациялар мен АӨК технологиялық трансформациясының әлеуметтік-экономикалық артықшылықтарын анықтады. Ең алдымен, агротехнология ауылшаруашылық кәсіпорындарына әлемдік нарықта бәсекеге қабілетті болуға мүмкіндік береді. Технологияны енгізу өндіріс шығындарының төмендеуіне және өнімділіктің артуына әкеледі, бұл өз кезегінде фермерлердің пайдасын арттыруға мүмкіндік береді.

Сондай-ақ, агротехнологияларды дамыту ауыл шаруашылығында және онымен байланысты салаларда жаңа жұмыс орындарын құруды ынталандырады.

Енгізілген өзгерістерге сәйкес, АӨК-тен басқа инновациялық гранттар жасанды интеллектті дамытуға берілетін болады.

Өзгерістер президент Қасым-Жомарт Тоқаевтың 2024 жылы Ғылым және технологиялар жөніндегі ұлттық кеңестің отырысында берген тапсырмасы бойынша енгізіледі. Мемлекет басшысы атап өткендей, АӨК-де инновацияларды енгізу ауыл шаруашылығы кәсіпорындарының бәсекеге қабілетті болуына және жаңа жұмыс орындарын құруға мүмкіндік береді.