Ауыл шаруашылығы министрлігі Инвестициялық салымдар кезінде АӨК субъектісі шеккен шығыстардың бір бөлігін өтеу бойынша субсидиялау қағидаларына өзгерістер енгізеді.
"Ауыл шаруашылығы министрлігі инвестициялық субсидияларды төлеу ережелерін қаржы институттарына тікелей түсу үшін өзгертуді жоспарлап отыр. Бұл сыбайлас жемқорлық тәуекелдерін азайту және агроөнеркәсіптік кешен субъектілерінің техника мен жабдыққа қол жеткізуін жеңілдету мақсатында жасалды. Мұндай шара фермерлерге несие немесе лизинг бойынша берешекті қысқарту арқылы қаржылық жағдайын жақсартуға көмектеседі", - деп хабарлады АШМ баспасөз қызметі.
Сондай-ақ, №1 "Ауыл шаруашылығы техникасын, машиналары мен жабдықтарын сатып алу" жобасының паспорты шеңберінде позициялар қайта қаралды.
Бұдан басқа, өсімдік шаруашылығы өнімдерін терең өңдеу бойынша кәсіпорындар құру жобаларына биоэтанол өндірісі қосылды. Сонымен қатар, бұйрық глютенсіз өндірісті құруға жұмсалған шығындардың бір бөлігін өтеуді көздейді.
АШМ атап өткендей, өз шикізатын пайдалану есебінен отандық глютенсіз өнімдер өндірісін жолға қою Қазақстанда целиакия ауруынан зардап шегетін адамдардың глютенсіз өнімдеріне сұранысты қанағаттандыруға және осы өнім импортының үлесін айтарлықтай төмендетуге мүмкіндік береді.
