Сәкен Сейфуллин атындағы Қазақ агротехникалық зерттеу университеті тыңайтқыштарды пайдалану саласындағы зерттеулер мен оқытуды бірлесіп ілгерілету үшін KMG PetroChem ЖШС-мен ынтымақтастық туралы Меморандумға қол қойды.
ҚазАТЗУ баспасөз қызметінің хабарлауынша, Меморандум газ химиясы мен агротехникалық саланы инновациялық дамытуға, соның ішінде карбамид өндіру мен қолдануға бағытталған бірқатар бірлескен жобаларды іске асыру үшін негіз болмақ.
Тараптар тәжірибе алмасуды, ғылыми іс-шараларды ұйымдастыру кезіндегі өзара іс-қимылды, сондай-ақ көпжақты бағдарламалар мен бастамалардағы ынтымақтастықты жоспарлайды.
Меморандум отандық карбамид өнімдерін өндіру мен қолдануды қоса алғанда, Қазақстанда газ химиясы мен агротехникалық саланы инновациялық дамытуға бағытталған бірқатар бірлескен жобалар мен бастамаларды іске асыру үшін негіз болады.
"Карбамид" жобасын іске асыру Ақтөбе облысының кен орындарынан табиғи газды қайта өңдеу жолымен технологиялық тізбекті ұзарту есебінен ҚР газ-химия саласын дамытуды жалғастыру болып табылады. Бұл біз үшін ғана емес, ауыл шаруашылығын, жалпы ел экономикасын дамыту үшін де жаңа перспективалар ашады", - деді KMG PetroChem бизнесті дамыту жөніндегі басқарма төрағасының орынбасары Диаз Диянов меморандумға қол қою кезінде.
Өз кезегінде ҚазАТЗУ-дың ғылыми және инновациялық қызмет жөніндегі проректоры Исмаил Тоқбергенов Қазақстанда топырақты байытуға және өнімділікті арттыруға ықпал ететін тұрақты және ғылыми негізделген агродақылды дамыту міндеті тұрғанын атап өтті.
Карбамид - сұранысқа ие азотты тыңайтқыш, оған Қазақстанда қажеттілік негізінен импорттық жеткізілімдер есебінен толықтырылады. Оны сақтау және тасымалдау оңай. Қазақстанның азотты тыңайтқыштарға деген қажеттілігі шамамен 350-400 мың тоннаны құрайды.
KMG PetroChem - "ҚазМұнайГаз" ҰК-ның 100 пайыздық еншілес кәсіпорны. Кәсіпорын ҚМГ тобында мұнай-газ химиясы саласындағы жобаларды іске асырады және үйлестіреді.
