ҚАҚ жеңілдетілген лизингке өтінімдерді қосымша қабылдауды бастады

«ҚазАгроҚаржы» АҚ отандық өндірілген және/немесе құрастырылған ауыл шаруашылығы техникасын сатып алуға жылдық 5%-бен «Жеңілдікті лизинг» бағдарламасы бойынша қосымша өтінімдер қабылдауды бастады

Өтінімдер қабылдау үшін ҚазАгроҚаржының Telegram bot арқылы электронды кезек қалыптасады.https://t.me/kaz_agro_finance_bot Клиент Telegram Bot-қа өтінім берген күннен бастап бес жұмыс күні ішінде өңірлердегі "ҚазАгроҚаржы" филиалдарының біріне құжаттардың толық пакетін ұсынуы қажет. Филиалдардың байланыс телефондары мен мекенжайлары kaf.kz компания сайтында көрсетілген", - деп хабарлады ҚазАгроҚаржыдан.

«Жеңілдікті лизинг» бағдарламасы отандық өндірілген және/немесе құрастырылған ауыл шаруашылығы техникасын сатып алу мақсатында фермерлерді қаржыландыруға бағытталған. Қаржыландыру мынадай шарттармен жүргізіледі: мөлшерлеме - жылдық 5%; лизинг мерзімі – 7 жылдан аспайды; бірінші лизингтік төлем – кемінде 10%.

"ҚазАгроҚаржы" акционерлік қоғамы "Бәйтерек" Ұлттық басқарушы холдингінің компаниялар тобына кіреді. Ауыл шаруашылығы техникасын сатып алу үшін ауыл шаруашылығы өндірушілеріне лизингтік қызметтер көрсететін ірі қаржы институты.